மணவாளக்குறிச்சியில் ரமலான் கொண்டாட்டம்: பள்ளிவாசலில் சிறப்பு தொழுகை

மணவாளக்குறிச்சியில் ரமலான் கொண்டாட்டம்: பள்ளிவாசலில் சிறப்பு தொழுகை

18-07-2015

இஸ்லாமியர்களின் முக்கிய பண்டிகைகளில் ஒன்றான ரம்சான் பண்டிகை இன்று இந்தியா முழுவதும் கொண்டாடப்பட்டு வருகிறது. இதைதொடர்ந்து குமரி மாவட்டத்தில் கோட்டார், குளச்சல், மணவாளக்குறிச்சி, தக்கலை, தேங்காய்பட்டணம், ஆளூர், மாதவலாயம் உள்பட பல ஊர்களில் இன்று கொண்டாடப்பட்டு வருகிறது.

மணவாளக்குறிச்சி ஜும்ஆ பள்ளிவாசலில் இன்று ரமலான் சிறப்பு தொழுகை காலையில் நடைபெற்றது. காலை 7 மணிக்கு பெண்களுக்கான தொழுகையும், காலை 9 மணிக்கு ஆண்களுக்கான சிறப்பு ரமலான் தொழுகையும் நடைபெற்றது.

ரமலான் தொழுகை ஜும்ஆ பள்ளிவாசல் இமாம் ஜலீல் உஸ்மானி தலைமையில் நடைபெற்றது மணவாளக்குறிச்சி மட்டுமின்றி வெளியூர் மக்களும் ஏராளமானோர் தொழுகையில் கலந்து கொண்டனர். தொழுகை முடிந்து இஸ்லாமியர்கள் ஒருவருக்கொருவர் ரமலான் வாழ்த்துக்களை தெரிவித்து கொண்டனர்.