மணவாளக்குறிச்சி அருகே தாறுமாறாக ஓடிய லாரி மோதியதில் 3 வாகனங்கள் சேதம்

மணவாளக்குறிச்சி அருகே தாறுமாறாக ஓடிய லாரி மோதியதில் 3 வாகனங்கள் சேதம்

28-04-2014

மணவாளக்குறிச்சி அருகே உள்ள முட்டம் பகுதிக்கு பொக்லைன் எந்திரத்தை ஏற்றி கொண்டு ஒரு லாரி வந்தது. லாரியை கழுவன்திட்டை பகுதியை சேர்ந்த சுமன் என்பவர் ஓட்டிவந்தார்.

லாரி முட்டத்தில் பொக்லைன் எந்திரத்தை இறக்கிவிட்டு, சர்ச் தெருவில் திரும்ப முயன்றபோது டிரைவரின் கட்டுபாட்டை இழந்து அருகே நின்ற மினி டெம்போ, ஆட்டோ மற்றும் மோட்டார் சைக்கிள் மீது மோதியது. தொடர்ந்து அந்த லாரி அருகில் நின்ற மரத்தின் மீது மோதி நின்றது.

லாரி மோதியதில் மினி டெம்போ, ஆட்டோ, மோட்டார் சைக்கிள் ஆகியவை சேதம் அடைந்தது. விபத்தில் யாருக்கும் எந்தவித பாதிப்பும் ஏற்படவில்லை.