மணவாளக்குறிச்சி அருகே அரசு பஸ் டிரைவர் தற்கொலை

மணவாளக்குறிச்சி அருகே அரசு பஸ் டிரைவர் தற்கொலை

10-06-2015

மணவாளக்குறிச்சி அருகே சேரமங்கலம் கும்மிடி கோட்டவிளையை சேர்ந்தவர் நாகப்பன் (வயது 53). அரசு பஸ் டிரைவர். இவருக்கு மது அருந்தும் பழக்கம் உண்டு. இதனால் இவருக்கும், அவருடைய மனைவிக்கும் அடிக்கடி தகராறு ஏற்பட்டு வந்ததாக கூறப்படுகிறது. இநநிலையில் சம்பவத்தன்று இரவு வீட்டுக்கு நாகப்பன் மது அருந்தியுள்ளார். இதனை அவருடைய மனைவி கண்டித்ததாக தெரிகிறது. இதில் மனமுடைந்த நாகப்பன் விஷத்தை குடித்ததாக கூறப்படுகிறது. உடனே அவரை அக்கம்பக்கத்தை சேர்ந்தவர்கள் மீட்டு சிகிச்சைக்காக அந்த பகுதியில் உள்ள ஒரு தனியார் மருத்துவமனைக்கு கொண்டு சென்றனர்.

ஆனால் அங்கு சிகிச்சை பலனின்றி அவர் பரிதாபமாக இறந்தார். இதுகுறித்த புகாரின் பேரில் மணவாளக்குறிச்சி போலீசார் வழக்குப்பதிவு செய்து விசாரணை நடத்தி வருகின்றனர்.