மணவாளக்குறிச்சி இஸ்லாமிய இளைஞர் பேரவை சார்பில் ரமலான் சிறப்பு நிகழ்ச்சிகள் நடைபெற்றது

மணவாளக்குறிச்சி இஸ்லாமிய இளைஞர் பேரவை சார்பில் ரமலான் சிறப்பு நிகழ்ச்சிகள் நடைபெற்றது

21-07-2015

மணவாளக்குறிச்சியில் இஸ்லாமிய இளைஞர் பேரவையின் ஈகைப் பெருநாள் இனிய தினபெருவிழாவும், 30-வது ஆண்டு விழாவும் 18, 19 மற்றும் 20-ம் தேதிகளில் நடைபெற்றது. 18-ம் தேதி நடைபெற்ற நிகழ்ச்சியில் காலை 10 மணிக்கு சிறுவர், சிறுமியர்களுக்கான விளையாட்டு போட்டிகளும், மாலை 4 மணிக்கு வடம் இழுத்தல் போட்டியும், இரவு 8 மணிக்கு கபடி போட்டியும் நடைபெற்றது.

பட்டிமன்ற நிகழ்ச்சி நடைபெற்ற காட்சி

19-ம் தேதி நடைபெற்ற நிகழ்ச்சியில் காலை 9 மணிக்கு லாங்க் ஜம்ப் மற்றும் ஓட்டப்பந்தமும், மதியம் 2 மணிக்கு கிரிக்கெட் போட்டியும், இரவு 8 மணிக்கு வடகரை நகரஉலமாசபை செயலாளர் அப்துற் ரஹ்மான் நூரி நடுவராக பங்குபெற்ற பட்டிமன்ற நிகழ்ச்சி நடைபெற்றது. பட்டிமன்றம் “குடும்ப மகிழ்ச்சிக்கு பெரிதும் காரணம் ஆண்களா? பெண்களா? என்ற தலைப்பில் நிகழ்ந்தது.

கபடி போட்டி நடைபெற்ற காட்சி

20-ம் தேதி நிகழ்ச்சியில் 4 மணிக்கு வாலிபால் போட்டியும், இரவு 8 மணிக்கு சென்னை பாலவாக்கம் பள்ளிவாசல் இமாம் மௌலவி அபுபக்கர் உஸ்மானி கலந்து கொண்ட இணையதளமும், இஸ்லாமும் என்ற தலைப்பில் மாபெரும் சொற்பொழிவு நிகழ்ச்சி நடைபெற்றது. விழா ஏற்பாடுகளை மணவாளக்குறிச்சி இஸ்லாமிய இளைஞர் பேரவையினர் செய்திருந்தனர்.

விழா நிகழ்ச்சிகளை காணும் இஸ்லாமிய சிறுவர்கள்