மணவாளக்குறிச்சி பகுதியில் மோட்டார் சைக்கிள் மோதி மாணவி படுகாயம்: வாலிபர் கைது

மணவாளக்குறிச்சி பகுதியில் மோட்டார் சைக்கிள் மோதி மாணவி படுகாயம்: வாலிபர் கைது

26-07-2015

மணவாளக்குறிச்சி அருகே உள்ள கடியப்பட்டணம், சிவந்தமண் பகுதியை சேர்ந்தவர் வின்சென்ட். இவரது மகள் திரிஷா (வயது 10) மாணவி. சமபவதன்று வின்சென்டும், திரிஷாவும் மணவாளக்குறிச்சியில் இருந்து அம்மாண்டிவிளைக்கு நடந்து சென்றனர்.

அப்போது சாத்தன்விளை என்ற இடத்தில் வைத்து எதிரே வேகமாக வந்த மோட்டார் சைக்கிள் மாணவி திரிஷா மீது மோதியது. இதில் திரிஷா படுகாயமடைந்தார். உடனே அக்கம்பக்கத்தினர் மீட்டு நாகர்கோவில் தனியார் மருத்துவமனையில் சிகிட்சைக்காக கொண்டு சேர்த்தனர்.

இச்சம்பவம் குறித்து வின்சென்ட் மணவாளக்குறிச்சி போலீசில் புகார் செய்தார். சப் இன்ஸ்பெக்டர் நேசையன் வழக்குபதிவு செய்து கடியப்பட்டணம் பீட்டர் ஜாண் என்பவரது மகன் நிர்மல் (வயது 24) என்பவரை கைது செய்தனர்.