மணவாளக்குறிச்சி அருகே கடற்கரையில் மருத்துவக்கல்லூரி மாணவர் பிணம்

மணவாளக்குறிச்சி அருகே கடற்கரையில் மருத்துவக்கல்லூரி மாணவர் பிணம்

23-07-2015

மணவாளக்குறிச்சி அருகேயுள்ள கூட்டுமங்கலம் கடற்கரையில் நேற்று மதியம் ஆண் பிணம் ஒன்று கரை ஒதுங்கியது. இதுபற்றி தகவல் அறிந்த குளச்சல் கடலோர காவல்படை சப்-இன்ஸ்பெக்டர் ஜானகிராமன் சம்பவ இடத்துக்கு விரைந்து வந்து பிணத்தை கைப்பற்றி பிரேத பரிசோதனைக்காக ஆசாரிப்பள்ளம் அரசு மருத்துவக்கல்லூரி ஆஸ்பத்திரிக்கு அனுப்பி வைத்தார்.

இதனையடுத்து போலீசார் நடத்திய விசாரணையில், கடற்கரையில் பிணமாக ஒதுங்கியவர் கேரள மாநிலம் கோவளத்தை சேர்ந்த அகில் ஜெயன் (வயது 21) என்பதும், கோழிக்கோடு மருத்துவக்கல்லூரியில் 3-ம் ஆண்டு படித்து வந்தவர் என்பதும் தெரியவந்தது.

இவர் கடந்த சில நாட்களுக்கு முன்பு சிலருடன் கோவளம் கடலில் குளித்த போது ராட்சத அலை இழுத்து சென்றது. இந்நிலையில் அவர் கூட்டுமங்கலம் கடற்கரையில் பிணமாக ஒதுங்கினார். மேலும் இதுதொடர்பாக போலீசார் வழக்குப்பதிவு செய்து விசாரணை நடத்தி வருகின்றனர்.