மணவாளக்குறிச்சி அருகே மீனவர் தற்கொலை

மணவாளக்குறிச்சி அருகே மீனவர் தற்கொலை

27-06-2015

மணவாளக்குறிச்சி அருகே உள்ள முட்டம் ஐஸ்பிளாண்ட் தெருவை சேர்ந்தவர் டோமினிக் சாவியோ (வயது 50), மீனவர். இவருடைய மனைவி மேரி புஷ்பராணி. டோமினிக் சாவியோ அடிக்கடி மது அருந்தி விட்டு வீட்டுக்கு வந்து மனைவியுடன் தகராறு செய்ததாக கூறப்படுகிறது.

அதேபோல் நேற்று முன்தினம் டோமினிக் சாவியோ மது அருந்தி வந்ததால், கணவன்-மனைவி இடையே தகராறு நடந்தது. அதன்பிறகு வீட்டில் யாரும் இல்லாத போது, டோமினிக் சாவியோ தூக்குப்போட்டு தற்கொலை செய்து கொண்டார். இதுபற்றி வெள்ளிச்சந்தை போலீசில் மேரிபுஷ்பராணி புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.