கொட்டில்பாட்டில் ரூ.10 லட்சத்தில் அமைக்கப்பட்ட பூங்கா: நகரசபை தலைவர் நசீர் திறந்து வைத்தார்

27-06-2015

குளச்சல் நகரசபையில் அடங்கிய கொட்டில்பாட்டில் நகர ஊரமைப்பு மேம்பாட்டு திட்டத்தின்கீழ் ரூ.10 லட்சம் செலவில் புதிதாக பூங்கா அமைக்கப்பட்டு உள்ளது. இந்த பூங்காவின் திறப்பு விழா நேற்று நடந்தது. விழாவுக்கு குளச்சல் நகரசபை தலைவர் நசீர் தலைமை தாங்கி பூங்காவை திறந்து வைத்தார்.

நகரசபை துணைத்தலைவர் முகமது தாசிம் முன்னிலை வகித்தார். இதில் நகரசபை என்ஜினீயர் மற்றும் ஆணையர் (பொறுப்பு) குருசாமி அனைவரையும் வரவேற்றார். இதில் கவுன்சிலர்கள் உள்பட பலர் கலந்து கொண்டனர். இந்த பூங்கா தினமும் காலை 8 மணி முதல் மாலை 4 மணி வரை திறந்து இருக்கும். பூங்காவை பராமரிக்கும் பணி செவ்வந்திப்பூ சுயஉதவிக்குழுவினரிடம் ஒப்படைக்கப்பட்டு உள்ளது என்று ஆணையர் குருசாமி தெரிவித்தார்.