மணவாளக்குறிச்சியில் தி.மு.க. ஆர்ப்பாட்டம்: முன்னாள் அமைச்சர் சுரேஷ்ராஜன் கலந்து கொண்டார்

22-06-2015

குருந்தன்கோடு கிழக்கு ஒன்றிய தி.மு.க. சார்பில், சார்பதிவாளர் அலுவலகத்தை இடமாற்றுவது உள்பட பல்வேறு கோரிக்கைகளை வலியுறுத்தி மணவாளக்குறிச்சியில் ஆர்ப்பாட்டம் நடந்தது. குருந்தன்கோடு கிழக்கு ஒன்றிய செயலாளர் குட்டிராஜன் தலைமை தாங்கினார். ஒன்றிய அவைத்தலைவர் ததேயுஸ், துணைச்செயலாளர்கள் விஜயகுமார், லூயிஸ்மேரி ஆகியோர் முன்னிலை வகித்தனர். பேரூர் அவைத்தலைவர் செல்லப்பன் வரவேற்று பேசினார்.

ஆர்ப்பாட்டத்தில், முன்னாள் அமைச்சர் சுரேஷ்ராஜன், முன்னாள் எம்.எல்.ஏ.க்கள் இரா.பெர்னார்டு, ராஜரெத்தினம், வில்பர்ட் உள்பட பலர் கலந்து கொண்டனர். முடிவில், ஒன்றிய பிரதிநிதி காஜாமைதீன் நன்றி கூறினார்.