மணவாளக்குறிச்சி, சின்னவிளை கடற்கரையில் ஆண் உடல் கரை ஒதுங்கியது

மணவாளக்குறிச்சி, சின்னவிளை கடற்கரையில் ஆண் உடல் கரை ஒதுங்கியது

23-06-2015

மணவாளக்குறிச்சி பகுதியில் உள்ள சின்னவிளை கடற்கரையில் இன்று அதிகாலையில் ஆண் உடல் ஒன்று கரை ஒதுங்கியது. பிணம் கரை ஒதுங்கிய தகவல் அறிந்ததும் மணவாளக்குறிச்சி போலீஸ் இன்ஸ்பெக்டர் ஆதிலிங்க போஸ் சம்பவ இடத்திற்கு வந்து விசாரணை மேற்கொண்டார்.

கேரள மாநிலம் விழிஞ்ஞம் கடற்கரை பகுதியை சேர்ந்த மீனவர் ஸ்டீபன் (வயது 28). இவர் கடந்த 19-ம் தேதி விழிஞ்ஞம் பகுதியில் இருந்து மீன் பிடிக்க (மட்டு தொழில்) சென்றதாக தெரிகிறது. அப்போது கடல் சீற்றம் அதிகமாக இருந்ததால் ஸ்டீபன் கடலில் தவறி விழுந்ததாக தெரிகிறது.

கடல் அதிகபடியான சீற்றத்துடன் காணப்பட்டதால் ஸ்டீபனை உள்இழுத்து சென்றது. இந்நிலையில் அவரது இறந்த உடல் இன்று அதிகாலை சின்னவிளை கடற்கரையில் ஒதுங்கியது. அவரது உடலை போலீசார் மீட்டு, ஆசாரிப்பள்ளம் அரசு மருத்துவ கல்லூரி மருத்துவமனைக்கு அனுப்பி வைத்தனர்.