அழகியமண்டபம் விவேகானந்தா மெட்ரிக் மேல்நிலைப்பள்ளியில் யோகா தினம் கடைபிடிக்கப்பட்டது

22-06-2015

சர்வதேச யோகா தினம் நேற்று உலகம் முழுவதும் 192 நாடுகளில் கடைப்பிடிக்கப்பட்டது. இதையொட்டி குமரி மாவட்டத்தில் பல்வேறு இடங்களில் பல்வேறு அமைப்புகள் சார்பில் யோகா நிகழ்ச்சிகள் நடைபெற்றன.

இந்நிலையில் அழகிய மண்டபம் அருகே உள்ள பரைக்கோடு வைகுண்டபுரம் விவேகானந்தா மெட்ரிக் மேல்நிலைப்பள்ளியில் நேற்று யோகா பயிற்சி நடைபெற்றது. நிகழ்ச்சியில் திருவிதாங்கோடு பேரூராட்சி தலைவி கலா கோபாலகிருஷ்ணம், தக்கலை ஒன்றிய பிஜேபி பொது செயலாளர் கோபாலகிருஷ்ணன், விலவூர் பேரூராட்சி கிருஷ்ணகுமார், மாவட்ட ஒருங்கிணைப்பாளர் கிருஷ்ணன், சேவா பிரிவு தலைவர் வைகுண்டராஜன் மற்றும் சமய வகுப்பு மாணவர்கள் உள்பட ஏராளமானோர் கலந்து கொண்டனர்.