மணவாளக்குறிச்சியில் சூறை காற்றுடன் திடீர் மழை

மணவாளக்குறிச்சியில் சூறை காற்றுடன் திடீர் மழை

22-06-2015

குமரி மாவட்டத்தில் கடந்த இரு நாட்களாக பரவலாக மழை பெய்து வருகிறது. மணவாளக்குறிச்சி மற்றும் அதன் சுற்றுவட்டார பகுதிகளிலும் மழை சில நேரங்களில் பெய்து வந்தது.

இந்நிலையில் மணவாளக்குறிச்சி பகுதியில் இன்று மதியம் திடீரென மேகங்கள் சூழ்ந்து வானம் இருட்டி வந்தது. தொடர்ந்து கனமழை பொழிய துவங்கியது. மழையுடன் சூறைக்காற்று வீசத் தொடங்கியது. சிறிது நேரமே நீடித்த இந்த சூறைக்காற்று மழை திடீரென நின்றது. தொடர்ந்து வெயில் அடிக்க ஆரம்பித்தது.

மீண்டும் மாலையில் வானம் மேகமூட்டத்துடன் காணப்பட்டது. தொடர்ந்து சாரல் மழை இரவில் பெய்து வருகிறது. நேற்று மாலை மற்றும் இரவில் நாகர்கோவில் பகுதியில் கனமழை பெய்தது.