மணவாளக்குறிச்சி அருகே அரசு பள்ளியில் திருட்டு

மணவாளக்குறிச்சி அருகே அரசு பள்ளியில் திருட்டு

09-10-2014

மணவாளக்குறிச்சி அருகே உள்ள கல்படியில் அரசு நடுநிலைப் பள்ளி உள்ளது. இந்த பள்ளியின் தலைமை ஆசிரியராக ஜெகன் மோகன் பணியாற்றி வருகிறார். பள்ளி வளாகத்தில் உள்ள ஒரு அறையில் 4 கம்பியூட்டர்கள், அனைவருக்கும் கல்வி திட்டத்தின் கீழ் டெலிவிஷன் பெட்டி, மாணவர்களின் சிறுசேமிப்பு பணம் ரூ.500 மற்றும் ஆவணங்கள் வைக்கப்பட்டுள்ளது.

அந்த அறையின் பூட்டு உடைக்கப்பட்டு இருந்ததை பொதுமக்கள் பார்த்து, பள்ளி தலைமை ஆசிரியருக்கு தகவல் கொடுத்தனர். உடனே அவர், அங்கு சென்று பார்த்தபோது, அறையின் பூட்டை யாரோ உடைத்து உள்ளே புகுந்து, அங்கு வைத்திருந்த 2 மானிட்டர்கள், டெலிவிஷன் பெட்டி மற்றும் ரூ.500 ஆகியவற்றை திருடி சென்றது தெரிய வந்தது.

இதுபற்றி பள்ளி தலைமை ஆசிரியர் ஜெகன் மோகன் மணவாளக்குறிச்சி போலீசில் புகார் செய்தார். அதன்பேரில் போலீஸ் சப்-இன்ஸ்பெக்டர் இளங்கோ வழக்குபதிவு செய்து திருடனை தேடி வருகிறார்.