மணவாளக்குறிச்சி தொடக்க வேளாண்மை கூட்டுறவு வங்கி காம்பவுண்ட் நுழைவாயிலை இடித்து தள்ளிய லாரி

மணவாளக்குறிச்சி தொடக்க வேளாண்மை கூட்டுறவு வங்கி காம்பவுண்ட் நுழைவாயிலை இடித்து தள்ளிய லாரி

20-09-2014

மணவாளக்குறிச்சி தொடக்க வேளாண்மை கூட்டுறவு வங்கி சக்கப்பத்து பகுதியில் அமைந்துள்ளது. கூட்டுறவு வங்கி அருகிலேயே ரேசன் கடை மற்றும் உரக்கடை ஆகியவை அமைந்துள்ளன. இவைகள் இருக்கும் இடத்தை சுற்றி காம்பவுண்ட் கட்டப்பட்டு, நுழைவாயில் அமைக்கப்பட்டுள்ளது.

இந்த நுழைவாயில் வழியாக ரேசன் கடை மற்றும் உரக்கடை ஆகியவற்றிற்கு பொருட்கள் பெரிய லாரிகளில் கொண்டு வரப்படுகின்றன. நுழைவாயில் பெரிய லாரிகள் செல்ல ஏதுவாக அமைக்கப்பட்டுள்ளது.

இந்நிலையில் கடந்த 16-ம் தேதி மதியம் 12 மணி அளவில் ரேசன் கடைக்கு ரேசன் பொருட்களை ஏற்றி கொண்டு லாரி ஒன்று வந்தது. லாரியை ரவி என்பவர் ஓட்டி வந்தார். நுழைவாயிலின் வழியாக லாரி பின்னோக்கி செல்லும்போது ஓட்டுனரின் கவனக்குறைவால் நுழைவாயிலை இடித்து தள்ளியதாக கூறப்படுகிறது. இதில் நுழைவாயில் முழுவதுமாக இடிந்து விழுந்தது.

இதுகுறித்து கூட்டுறவு சங்க தலைவர் பஷீர், லாரி உரிமையாளர் மற்றும் ஓட்டுனரிடம் பேச்சுவார்த்தை நடத்தி வருகிறார்.

Photos and News

Pthiyapuyal Murugan

Manavalakurichi