வெள்ளிசந்தை அருகே மோட்டார் சைக்கிள் விபத்தில் வாலிபர் சாவு

வெள்ளிசந்தை அருகே மோட்டார் சைக்கிள் விபத்தில் வாலிபர் சாவு

20-05-2014

வெள்ளிசந்தை அருகே உள்ள வடக்கு சரல் பகுதியை சேர்ந்தவர் ஆண்ட்ரூஸ் (வயது 29). டிப்ளமோ படித்துள்ள இவர் வெளிநாட்டில் வேலை பார்த்து வந்தார். சமீபத்தில் ஊருக்கு வந்த ஆண்ட்ரூஸ் சம்பவத்தன்று தன்னுடைய நண்பரில் மோட்டார் சைக்கிளில் குருந்தன்கோட்டில் இருந்து வடக்கு சரல் நோக்கி வந்து கொண்டிருந்தார்.

அப்போது ஒரு திருப்பத்தில் சாலையோரம் இருந்த வழிகாட்டி பலகையின் கம்பி அவர் மீது குத்தியது. இதில் அவர் தூக்கி வீசப்பட்டார். பலத்த காயம் அடைந்த ஆண்ட்ரூஸ் ஆசாரிப்பள்ளம் அரசு மருத்துவ கல்லூரி மருத்துவமனையில் சிகிச்சைக்காக சேர்க்கப்பட்டார். அங்கு சிகிச்சை பலனளிக்காமல் ஆண்ட்ரூஸ் நேற்று பரிதாபமாக இறந்தார்.

இந்த விபத்து குறித்து வெள்ளிசந்தை போலீஸ் சப்-இன்ஸ்பெக்டர்கள் சாமுவேல், இளங்கோ ஆகியோர் வழக்கு பதிவு செய்து விசாரணை நடத்தி வருகிறார்கள்.