மணவாளக்குறிச்சியில் காமராஜர் பிறந்தநாள் விழா கொண்டாடப்பட்டது: பிரின்ஸ் எம்.எல்.ஏ. கலந்து கொண்டார்

மணவாளக்குறிச்சியில் காமராஜர் பிறந்தநாள் விழா கொண்டாடப்பட்டது: பிரின்ஸ் எம்.எல்.ஏ. கலந்து கொண்டார்

15-07-2015

மணவாளக்குறிச்சி பேரூர் காங்கிரஸ் கமிட்டி சார்பில் காமராஜரின் 113-வது பிறந்தநாள் விழா இன்று காலையில் மணவாளக்குறிச்சி ஜங்ஷன் பகுதியில் வைத்து கொண்டாடப்பட்டது. இந்நிகழ்ச்சிக்கு மணவை பேரூர் தலைவர் தனிஸ் மற்றும் இளைஞர் காங்கிரஸ் தலைவர் எட்வின் ஜோஸ் ஆகியோர் தலைமை வகித்தனர்.

மாவட்ட செயலாளர் குற்றாலம், வட்டார பொருளாளர் அன்சாரி, வட்டார செயலாளர் ஜெயஹிந்த் மஜீது மற்றும் பேரூர் துணைத்தலைவர் செய்து அலி ஆகியோர் முன்னிலை வகித்தனர். நிகழ்ச்சிக்கு குளச்சல் சட்டமன்ற உறுப்பினர் ஜே.ஜி.பிரின்ஸ் சிறப்பு விருந்தினராக கலந்து கொண்டு கேக் வெட்டினார். மேலும் வட்டார தலைவர் கிளாட்சன், மாநில மீனவர் அணி தலைவர் சபின் ஆகியோர் கலந்து கொண்டனர்.

மேலும் நிர்வாகிகள் பஷீர், ஜார்ஜ், ஹென்றி, விஜயகுமார், சிமியோன், ஜெரால்டு, இராஜேந்திரன், ஆசைநாயகம், சுபிராஜன், விக்னேஷ், அமித் உள்பட பலர் கலந்து கொண்டனர். நிகழ்ச்சியில் அனைவருக்கும் கேக் மற்றும் இனிப்புகள் வழங்கப்பட்டன.