மண்டைக்காடு அருகே தென்னந்தோப்பில் ஆண் பிணம்

மண்டைக்காடு அருகே தென்னந்தோப்பில் ஆண் பிணம்

24-07-2015

மண்டைக்காடு பகுதியை அடுத்த வெட்டுமடை பகுதியில் ஒரு தென்னந்தோப்பு உள்ளது. இன்று காலை அந்த வழியாக சென்றவர்கள் அங்கு ஒரு ஆண் பிணம் கிடப்பதை கண்டனர். இது பற்றி அவர்கள் குளச்சல் போலீசாருக்கு தகவல் தெரிவித்தனர்.

குளச்சல் ஏ.எஸ்.பி. கங்காதர், இன்ஸ்பெக்டர் சிவராஜபிள்ளை, சப்–இன்ஸ்பெக்டர்கள் ரசலையன், சாலமன்ராஜ் மற்றும் போலீசார் அங்கு விரைந்து சென்றனர். அவர்கள் இறந்து கிடந்தவர் உடலை கைப்பற்றி விசாரித்தனர். அவருக்கு சுமார் 55 வயது இருக்கும். லுங்கியும், கட்டம் போட்ட சட்டையும் அணிந்திருந்தார்.

அருகே ஒரு துணிக்கடை பை இருந்தது. அதில் புதிய சட்டையும், வேட்டியும் காணப்பட்டது. அவற்றை கைப்பற்றிய போலீசார் இறந்து கிடந்தவர் உடலை பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர். மேலும் அவர் எப்படி இறந்தார்? என்பது பற்றியும் விசாரித்து வருகிறார்கள்.