கூட்டுமங்கலத்தில் இந்து தர்ம வித்யா பீடம் சமய வகுப்பு மாநாடு: அகில இந்திய ஆர்.எஸ்.எஸ். தலைவர் மோகன்பகவத் பங்கேற்பு

கூட்டுமங்கலத்தில் இந்து தர்ம வித்யா பீடம் சமய வகுப்பு மாநாடு: அகில இந்திய ஆர்.எஸ்.எஸ். தலைவர் மோகன்பகவத் பங்கேற்பு

31-08-2014

மணவாளக்குறிச்சி அருகே உள்ள வெள்ளிமலை இந்து தர்ம வித்யா பீடம் சார்பில் வித்யா ஜோதி பட்டமளிப்பு வெள்ளிவிழா மற்றும் சமய வகுப்பு மாநாடு இன்று கூட்டுமங்கலம் விவேகானந்தா மெட்ரிக் பள்ளியில் நடந்தது. இந்நிகழ்ச்சிக்கு வெள்ளிமலை ஆசிரம திருப்பணிக்குழு தலைவர் தொழில் அதிபர் அழகி மணி தலைமை தாங்கினார்.

அகில இந்திய ஆர்.எஸ்.எஸ். தலைவர் மோகன் பகவத் சிறப்பு விருந்தினராக கலந்து கொண்டு பேசினார். வித்யா பீட ஏகதர்மகர்த்தா சுவாமி சைதன்யானந்தஜி பட்டம் வழங்கி ஆசியுரை வழங்கினார். நெட்டாங்கோடு ஸ்ரீசாரதீஸ்வரி ஆசிரம ஸ்ரீயோகேஸ்வரி மீராபுரி, வேள்வி நடத்தினார்.

மணவாளக்குறிச்சியில் இருந்து ஊர்வலம் சென்ற காட்சி

நிகழ்ச்சியில் இந்து முன்னணி மாவட்ட பொதுச் செயலாளர் மிசா சோமன், சுவாமி விவேகானந்தா மெட்ரிக்பள்ளி தாளாளர் மணிகண்டன் உள்பட பலர் கலந்து கொண்டனர். முன்னதாக யானை வரவழைத்த பிள்ளையார் கோவிலில் இருந்து சமய வகுப்பு மாணவ–மாணவியர் பங்கேற்ற ஊர்வலம் நடந்தது. ஏராளமான போலீசார் பாதுகாப்பு பணியில் ஈடுபடுத்தப்பட்டு இருந்தனர்.