பிளஸ்-2 தேர்வில் அதிக மதிப்பெண் எடுத்த மணவாளக்குறிச்சி மாணவிக்கு குமரி மாவட்ட பேரூராட்சி ஊழியர் சங்கம் சார்பில் விருது

பிளஸ்-2 தேர்வில் அதிக மதிப்பெண் எடுத்த மணவாளக்குறிச்சி மாணவிக்கு குமரி மாவட்ட பேரூராட்சி ஊழியர் சங்கம் சார்பில் விருது

29-06-2014

கன்னியாகுமரி மாவட்ட தமிழ்நாடு பேரூராட்சிகளின் ஊழியர் சங்க 2-வது மாநாடு நேற்று காலையில் வில்லுக்குறி பேரூராட்சி சமூக நலக்கூடத்தில் வைத்து நடைபெற்றது. மாநாட்டிற்கு சங்க மாவட்டத்தலைவர் தனுஷ்கோடி தலைமை தாங்கினார்.

செயலாளர் வினுக்குமார், பொருளாளர் கிருஷ்ண லீலா, துணை தலைவர்கள் ஹரிகுமார், ரிச்சார்டு ஹென்றி, ரெஜி குமார், சந்திரன் மற்றும் ஊழியர் சங்க உறுப்பினர்கள் கலந்து கொண்டனர். நிகழ்ச்சியில் குமரி மாவட்ட பேரூராட்சிகளில் பணிபுரியும் பணியாளர்களின் 10 மற்றும் பிளஸ்-2 தேர்வில் அதிக மதிப்பெண் பெற்ற பிள்ளைகளுக்கு விருது மற்றும் பரிசு வழங்கி கவுரவிக்கப்பட்டது.

இதில் பிளஸ்-2 தேர்வில் அதிக மதிப்பெண் பெற்ற பாலப்பள்ளம் பேரூராட்சியில் பணிபுரியும் குமார் என்பவரின் மகள் எழில் பிரீத்தி என்பவருக்கு விருது மற்றும் பரிசு மாவட்ட தலைவர் தனுஷ்கோடி வழங்கி கவுரவித்தார். விருது பெற்ற எழில் ப்ரீத்தி மணவாளக்குறிச்சி, வடக்கன்பாகம் கூடல்விளை பகுதியை சேர்ந்தவர் ஆவார். நிகழ்ச்சியில் குமரி மாவட்ட பேரூராட்சிகளில் பணிபுரியும் பணியாளர்கள் கலந்து கொண்டனர்.