மணவாளக்குறிச்சி பாபுஜி மேல்நிலைப்பள்ளியில் இலவச சைக்கிள் வழங்கும் விழா

மணவாளக்குறிச்சி பாபுஜி மேல்நிலைப்பள்ளியில் 

இலவச சைக்கிள் வழங்கும் விழா

08-11-2012

தமிழக அரசு ஒவ்வொரு ஆண்டும் தமிழகத்தில் உள்ள அரசு மற்றும் அரசு உதவி பெறும் மேல்நிலை பள்ளிகளில் பயிலும் 11-ம் வகுப்பு மாணவ, மாணவிகளுக்கு விலையில்லா சைக்கிள்களை வழங்கி வருகிறது. அதன்படி இந்த ஆண்டும் இலவச சைக்கிள் குமரிமாவட்டத்தில் உள்ள மேல்நிலை பள்ளிகளில் வழங்கப்பட்டு வருகிறது. 

இதைதொடர்ந்து, மணவாளக்குறிச்சி பாபுஜி மேல்நிலை பள்ளியில் தமிழக அரசின் இலவச சைக்கிள் வழங்கும் விழா நடைபெற்றது. விழாவுக்கு பள்ளி தலைமை ஆசிரியர் ஜாண் கிறிஸ்டோபர் தலைமை தாங்கினார். மணவாளக்குறிச்சி பேரூராட்சி தலைவி சிறப்பு விருந்தினராக கலந்து கொண்டு 11-ம் வகுப்பு மாணவ, மாணவிகளுக்கு இலவச சைக்கிள்களை வழங்கினார்.

மணவாளக்குறிச்சி பேரூர் அ.தி.மு.க. செயலாளர் கண்ணதாசன், வார்டு உறுப்பினர் ஆஸ்டின் ஆகியோர் முன்னிலை வகித்தனர். பாபுஜி மேல்நிலை பள்ளியில் 11-ம் வகுப்பு படித்து வரும் மாணவ, மாணவிகள் 285 பேருக்கு இலவச சைக்கிள் வழங்கப்பட்டன. விழாவில் பள்ளி நிர்வாக அலுவலர் ஜான்சன் மற்றும் ஆசிரியர், ஆசிரியைகள் கலந்து கொண்டனர்.