மண்டைக்காடு அருகே கட்டிட தொழிலாளி மர்ம சாவு

மண்டைக்காடு அருகே கட்டிட தொழிலாளி மர்ம சாவு

10-07-2015

மண்டைக்காடு அருகே மருதிவிளையை சேர்ந்தவர் குமார் (வயது 24). கட்டிட தொழிலாளி. இவர் அந்த பகுதியில் உள்ள ஒரு வீட்டில் தனியாக வசித்து வந்தார். நேற்று அதிகாலை இவரது வீடு நீண்ட நேரமாக திறக்கவில்லை. அக்கம் பக்கத்தினர் சென்று பார்த்த போது வீட்டுக்குள் குமார் தூக்கில் தொங்கிய நிலையில் பிணமாக கிடந்தார்.

இதை கண்டதும் குமாரின் உறவினர் மண்டைக்காடு போலீசில் புகார் செய்தார். அதில் குமார் சாவில் மர்மம் இருப்பதாக கூறியிருந்தார். அதன்பேரில் மண்டைக்காடு போலீசார் வழக்கு பதிவு செய்து குமாரின் உடலை கைப்பற்றி பிரேத பரிசோதனைக்காக ஆசாரிபள்ளம் அரசு ஆஸ்பத்திரிக்கு அனுப்பி வைத்தனர்.