மணவாளக்குறிச்சியில் மார்க்சிஸ்ட் கம்யூனிஸ்ட் கட்சி வேட்பாளர் பெல்லார்மின் பிரச்சாரம்

08-04-2014

பாராளுமன்ற தேர்தல் சூடுபிடித்துள்ள நிலையில் மணவாளக்குறிச்சி பகுதியில் அனைத்து கட்சிகளை சார்ந்த பிரச்சார வாகனங்களும் தீவிர பிரச்சாரத்தை மேற்கொண்டு வருகிறது.

இன்று மாலை 7 மணி அளவில் மார்க்சிஸ்ட் கம்யூனிஸ்ட் கட்சி வேட்பாளர் பெல்லார்மின் திறந்த வேனில் வந்து மணவாளக்குறிச்சி, சின்னவிளை, பெரியவிளை பகுதிகளில் வாக்குகளை சேகரித்தார். கட்சி சார்பில் மணவாளக்குறிச்சி சந்திப்பு பகுதியில் நாட்டுநடப்பு பற்றிய வீதி நாடகம் நடத்தப்பட்டது.

தொடர்ந்து பொதுமக்கள் மத்தியில் வேட்பாளர் பெல்லார்மின் பேசினார். நிகழ்ச்சியில் மணவாளக்குறிச்சி மார்க்சிஸ்ட் கம்யூனிஸ்ட் கட்சி நிர்வாகிகள் புவனேந்திரன், மரியஜெயந்தன், ஜெயகுமார், செல்லநாடான் உள்பட பலர் கலந்து கொண்டனர்.