மணவாளக்குறிச்சி பாபுஜி மேல்நிலைப்பள்ளி 10-ம் வகுப்பு தேர்வில் முதலிடத்தை 2 பேர் பிடித்தனர்

23-05-2014

மணவாளக்குறிச்சி பாபுஜி மேல்நிலைப்பள்ளியில் 10-ம் வகுப்பு தேர்வில் 2 பேர் முதலிடத்தை பிடித்தனர். ஆர்.ஜே. ஜெயமோகன் மற்றும் ஏ.ஜே.பூர்ணிமா ஆகியோர் தலா 494 மதிப்பெண்கள் பெற்று பள்ளியின் முதல் இடத்தை பிடித்தனர். மாணவர் ஏ.எஸ். சச்சின் 493 மதிப்பெண் பெற்று 2-ம் இடத்தை பிடித்தார். மாணவி ஜெயலெக்ஷ்மி ஜெயா 490 மதிப்பெண் பெற்று 3-ம் இடம் பிடித்தார். மொத்த தேர்ச்சி விகிதம் 99.3 சதவீதமாகும். 144 பேர் எழுதிய தேர்வில் 143 பேர் தேர்ச்சி பெற்றனர்.

கணித பாடத்தில் 6 பேரும், அறிவியல் பாடத்தில் 10 பேரும், சமூக அறிவியல் பாடத்தில் 3 பேரும் 100 மதிப்பெண் பெற்றுள்ளனர். தேர்வில் தேர்ச்சி பெற்றவர்களை பள்ளி தாளாளர் நசரேத் சார்லஸ், தலைமை ஆசிரியர் கிறிஸ்டோபர், பள்ளி சிறப்பு அதிகாரி ஜாண்சன் ஆகியோர் பாராட்டினர்.